金運誌

 

今次製版與上墨都係自己一腳踢，係成功嘅！平版畫能夠做到sketch的線條效果，亦係吸引我嘅地方。有時問自己，咁直接畫sketch咪得囉，點解要轉做版畫呢？自問個種可複製性對我黎講又唔算非常重要（當然可複製性令我可以多送幾張給朋友）。

後黎諗諗下，其實我都好喜歡製版/上墨時，不停咁觀察同調節。見到塊版上面令立立嘅墨，用眼睛去判斷墨量的層次，然後印出來後再觀察，另一次上墨時再調節，直至尋找到那個「適合」的位置，保持住，印製edition，係有一種感官上的滿足。暫時呢個係我諗到我想做版畫的其中一個原因喇。